Categories
Hindi Shayri Love Shayri

Dil Se………………….

Khushnaseeb hote hain wo log,jo apno ke paas hote hain
Parinde bhi humse behtar hain,kam se kam saath to rahte hain |

Tanhaiyan bhi jaruri hain,Jindagi samajhne ko
khud ke bare hone ka gumaan rahta hai aqsar bheer me |

Kisi ko gair na samjho,Na hi samjho kisi ko begaana
Jindagi jeene ka sabka,apna-apna,alag-alag hai fasaana |

Jineh hum apna samjhte the,wo hi aaj humse door hain
Kabhi jo pyar ki baten karte the,aaj wo magrur hain !

Raton ko khawon me aakar,na jagaya karo aye humsafar
Yuin hi neend me aqsar tere paas hone ka guman rahta hai|

Categories
Love Shayri

Yeh Nadaan Mohabbaten

Yeh nadaan mohabbaten
Aankhon me tasveer,hothon pe afsane
Dilon me chahat,Zubaan par tarane
Aqsar Aisi hi hoti hain
Yeh nadaan mohabbaten
Pardon ke peeche chupa di jaati hain
Kambkaht,yuin hi dafna di jaati hain
Yeh nadaan mohabbaten
Khwab,khwab hi reh jaate hain
Dariya me baha di jaati hain
Yuin hi qurban kar di jaati hain
Yeh nadaan mohabbaten |

Categories
Love Shayri

Shayad Wo Humse Mohabbat Karte The

Shayad wo humse mohabbat karte the
Hamari nadaniyon par,wo khoob haste the
Unki deewangi ka aalam yeh tha
Jab tak na deedar karle hamara
yuin hi chhat par chalkadmi karte the
Wo ladakpan ke din,aur unki wo nadaniyan
Wo chehre ki masoomiyat,aur wo hothon ki muskurahat
Hume ehsaas dilati thi unki deewangi ka
Shayad wo humse mohabbat karte the
Wo yuin hi najdikiyon ke bahane doondhna
Magar najdeek aate hi door ho jaana
Chehre ki rangat ur jaana,dil ki dharkan bar jaana
Hume ehsaas dilati thi unki deewangi ka
Shayad wo humse mohabbat karte the
Larazte hothon se kuch kehne ki koshish karna,
aur chahkar bhi kuch keh na paana
Zulfon ko kabhi idhar to kabhi udhar jhatakna
Isharon hi isharon me bina kahe, bahut kuch keh jana
Chup chupkar dekhna aur dekhkar anzaan ban jana
Hume ehsaas dilati thi unki deewangi ka
Shayad wo humse mohabbat karte the
Chandni raton ka intezar karna
Andheron me bhi mere saye ko doodhna
Khud se baten karna,har baat me mera naam aana
Hume ehsaas dilati thi unki deewangi ka
Shayad wo humse mohabbat karte the
Raat din yuin hi tanha gujarna
Tanhaiyon me mera naam likhna aur likhkar mitana
Neend me karbaten badalna aur subeh ko mera intezar karna
Hume ehsaas dilati thi unki deewangi ka
Shayad wo humse mohabbat karte the |

Categories
Love Shayri

Jab Bhi Milte The Wo Mujhse

Jab bhi milte the wo mujhse
Ek ajnabi ki tareh milte the
Mai aksar unki saadgi me,
apni parchayian doondha karta tha
unki khoosurat aankhon ke kazal se,
apni gazlon ke sher likha karta tha
unki mehkati zulfon ke abr me,
apni kismat ke chaand-sitaare dekha karta tha
Magar, na jaane unko talash thi kis ajnabi ki
Jo har pal, har lamha, bekarar rahte the kisi ke intezar me
mai aksar socha karta tha,
ki aaj jarur unse dil ki baat keh dunga
Magar,Jab bhi milte the wo mujhse
Ek ajnabi ki tareh milte the !!